'PIZTU ALARMA' TRESNAREN HAMAHIRU AURKEZPEN PUBLIKO EGINEN DITUZTE MAIATZEAN

Gutxika-gutxika gorpuztuz doa Piztu Alarma izanen dena, eta maiatzean hura aurkezteko hamahiru bilera eginen dituzte bertze hainbertze tokitan. Batzar horietan tresna aktibista berri hau zer den azalduko dute, eta komunitatean izena emateko aukera emanen dute.

Iruñerria izanen da Piztu Alarma egitasmoaren ekintza lurraldea, eta egitasmoan sartuta dauden pertsonen asmoa da ahalik eta toki gehienetara ailegatzea. Hainbat talde sortu dira dagoeneko (60 ekintzailerekin!), baina talde gehiago sortu nahi dituzte, noski.

Hamahiru aurkezpenetan bereziena lehenbizikoa izanen da, Iruñeko Alde Zaharrean eginen dutena. Izan ere, Piztu Alarma tresnako kideez gain, Eñaut Aramendi ere egonen da. Aramendi LABeko ekintzailea da Ipar Euskal Herrian eta Frantziako estatuaren erreforma neoliberalen aurkako Alarma Soziala izeneko tresnaren sortzean hartu du parte.

Aurkezpen publikoak

ALDE ZAHARRA: maiatzak 2 // 18:30 // Arrano
 

SANDUZELAI: maiatzak 9 // 19:00 // Civivox 
 

ZIZUR NAGUSIA: maiatzak 10 // 19:00 // Kultur Etxea 
 

MENDILLORRI: maiatzak 10 // 20:00 // Antzara 
 

TXANTREA: maiatzak 15 // 20:00 // Auzotegi 
 

BARAÑAIN: maiatzak 16 // 19:00 // Kultur Etxea 
 

ARROTXAPEA: maiatzak 16 // 20:00 // Errotaberri 
 

DONIBANE: maiatzak 17 // 19:00 // SanJuanXar 
 

SARRIGUREN: maiatzak 17 // 19:00 // Udaletxea 
 

ARROSADIA: maiatzak 23 // 19:00 // San Fermín peña 
 

BURLATA: maiatzak 23 // 19:30 // Palacete
 

ATARRABIA: maiatzak 24 // 19:00 // Etxebeltza 
 

ANTSOAIN: maiatzak 30 // 19:00 // Txokogorri